Дар заминаи кафедраи иқтисод ва идора дар соҳаи маориф, имрӯз 07 майи соли 2026 дар доираи Нақшаи чорабиниҳои Донишкада барои соли 2026 оид ба амалисозии Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 дар марҳилаи дуюм (солҳои 2026-2030) мизи мудаввар дар мавзӯи «Нақши ҷавонон дар пешгирӣ аз омилҳои коррупсионӣ» баргузор гардид. Дар мизи мудаввар омӯзгорону кормандон ва шунавандагони курсҳои такмили ихтимсос (роҳбарони иттиҳодияҳои методӣ) иштирок намуданд. Мизи мудавварро мудири кафедра Раҳматшоев Исфандиёр оғоз намуда, иброз намуд, ки муқовимат бо коррупсия яке аз падидҳои хавфноки ҷомеа буда, он ҳамчун ҷинояти вазнин ва омили таҳдидкунанда ба амнияти миллии кишвар эътироф гардидааст. Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар Паёми навбатии худ изҳор намуданд, ки коррупсия ба пешрафти иқтисодиёт халал мерасонад, бунёди ҷомеаи демократиро заиф месозад, ба рушди демократия таъсири манфӣ мерасонад. Аз ин рӯ, нақши табақаҳои фаъоли ҷомеа, махсусан омӯзгорон ва ҷавонон дар пешгирии ҳолатҳои коррупсионӣ назаррас буда, бо баргузории чорабиниҳои гуногун ва маърӯзаву хонишҳо сатҳи коррупсияро коҳиш додан мумкин аст. Баъдан аз ҷониби кормандону омӯзгорон дар мавзуъҳои: «Рӯзи мубориза бо коррупсия: қадаме ба сӯи ҷомеаи одилона», «Коррупсия-монеаи рушди ҷомеа», «Мубориза бо коррупсия-масъулияти умумибашарӣ», «Нақши ҷавонон дар мубориза барзиди коррупсия» ва «Ҷомеаи солим бе коррупсия» баромадҳо маърӯза гардиданд.
Дар умум, дар чорабинӣ масъалаҳои муқовимат ба омилҳои мусоидаткунанда ба коррупсия ва роҳҳои корҳои фаҳмонидаҳӣ ва оқибатҳои нохуши он баррасӣ гардиданд.
