Курсҳои такмили ихтисос ҳамчун омили асосии рушди касбии муттасил (Continuous Professional Development) ба ҳисоб рафта, ҷорӣ намудани методҳои муосири инноватсионии таълимро тақозо менамоянд. Ҳадафи асосии истифодаи методҳои инноватсионӣ дар курсҳои такмили ихтисос – ин рушди салоҳиятҳои касбӣ, рақамӣ ва методии омӯзгорон мебошад. Инро дар ҷараёни хониш омӯзгори калони кафедраи методикаи таълимӣ фанҳои табиӣ-риёзии Донишкада Аминов Баҳриддин шарҳу тавзеҳ дод. Иброз гардид, ки методҳои муосири таълим ба як қатор равияҳои педагогикаи муосир такя мекунанд: Равиши салоҳиятнок (competency-based approach) Конструктивизм (омӯзиш ҳамчун раванди фаъоли бунёди дониш) Омӯзиши фаъол (active learning) Андрагогика (назарияи таълими калонсолон) Бо назардошти он ки шунавандагони курсҳои такмили ихтисос калонсолон мебошанд, истифодаи принсипҳои андрагогика (худмухторӣ, таҷрибаомӯзӣ, амалӣ будан) муҳим арзёбӣ мегардад. Таснифи методҳои муосири инноватсионӣ:
Методҳои интерактивӣ — иштироки фаъоли шунавандагонро таъмин намуда, муҳити ҳамкории касбиро фароҳам меоранд. Шаклҳои он: мизи мудаввар, дебат, ҳамлаи зеҳнӣ ва муҳокимаи гурӯҳӣ. Натиҷа: рушди тафаккури интиқодӣ ва малакаи муоширати касбӣ.
Омӯзиши мушкилотӣ (Problem-Based Learning) — шунавандагон бо масъалаҳои воқеии педагогӣ рӯ ба рӯ мешаванд ва мустақилона роҳи ҳалли онҳоро меҷӯянд. Афзалиятҳо: Таҳкими робитаи назария ва амалия, инкишофи қобилияти таҳлил, баланд гардидани масъулияти касбӣ
Омӯзиши лоиҳавӣ (Project-Based Learning) ин усул ба таҳияи лоиҳаҳои амалӣ равона шудааст (барномаи дарсӣ, модул, нақшаи дарс). Натиҷа: Рушди эҷодкорӣ, кор дар гурӯҳ, ҳосил намудани маҳсулоти воқеии таълимӣ
Кейс-метод (Case Study) таҳлили ҳолатҳои мушаххаси педагогӣ ба шунавандагон имкон медиҳад, ки таҷрибаи касбии худро такмил диҳанд. Ин усул махсусан барои курсҳои такмили ихтисос самаранок мебошад, зеро он ба таҷрибаи воқеӣ такя мекунад.
Технологияҳои рақамӣ ва омӯзиши фосилавӣ — ҷорӣ намудани платформаҳои рақамӣ (Moodle, Google Classroom, Zoom ва ғ.) шаклҳои нави омӯзишро ба вуҷуд овардааст. Бартариҳо: дастрасӣ ва чандирӣ.
Омӯзиши омехта (blended learning) — имконияти мониторинги натиҷаҳо
Коучинг ва менторинг — ин равиш ба дастгирии инфиродии омӯзгорон равона гардида, рушди касбии онҳоро таъмин менамояд. Коучинг имконият медиҳад, ки омӯзгор нақшаи рушди инфиродии худро таҳия намояд. Таҳлилҳо нишон медиҳанд, ки истифодаи методҳои инноватсионӣ дар курсҳои такмили ихтисос боиси баланд гардидани сатҳи салоҳиятҳои касбӣ, афзоиши ҳавасмандӣ, такмили малакаҳои рақамӣ ва рушди фарҳанги таҳқиқотӣ мегардад. Хулоса, методҳои муосири инноватсионии таълим дар курсҳои такмили ихтисос воситаи муҳими рушди касбии муттасили омӯзгорон мебошанд.
